کتاب دوستی

کمپیوٹر برآمد کتابت برخاست جناب رضا علی عابدی کا یہ قول اُس زمانہ کا عکاس ہے جب اردو کتابت کے مشکل اور صبر آزما مرحلے کو کمپیوٹر ٹیکنالوجی نے آسان بنا دیاتھا۔ اور اردو کی ترویج و ترقی میں کمپیوٹر سافٹ وئیر نے ایک اہم 

 کردار ادا کیا تھا۔

        

ہمارے دور کا المیہ یہ ہے کہ موجودہ نسل کمپیوٹر اور جدید ٹیکنالوجی (جس میں مختلف قسم کے گیمز، موبائل فون وغیرہ شامل ہیں)کے بے پناہ اور بے فائدہ استعمال کے آگے کتاب کو ہاتھ میں لینا ہی بھول گئی ہے۔یعنی کمپیوٹر برآمد کتاب برخاستکہا جائے تو کچھ غلط نہ ہوگا۔

اس ضمن میں والدین کا کردار بہت اہمیت رکھتا ہے ہم شروع سے ہی چھوٹی چھوٹی عملی کوششوں کے ذریعے بچوں کا کتاب سے تعلق نہ صرف مضبوط بنا سکتے ہیں بلکہ انھیں کتابوں پر تبصرہ کرنا، اپنی آراء کا اظہار کرنا ، اپنے دوستوں کو کتابوں کا حوالہ دینا اور اسطرح کی دیگر تخلیقی اور مثبت سرگرمیوں میں مصروف رکھ سکتے ہیں بس شرط یہ ہے کہ والدین کتب بینی کی اہمیت کو سمجھیں اور اس کا عملی نمونہ بھی پیش کریں۔

book sharing activityاس پسِ منظر کے ساتھ میں نے  اپنے گھر میں 

:کروانا شروع کی ہے 

ہمارے گھر آنے والے تمام مہمان بچوں اور انکے والدین کو یہ بات بتائی گئی کہ آپ  جب بھی ہم سے ملنے آئیں اپنے ساتھ کوئی ایک کتاب لیکر  آئیں اور ہمارے گھر کے کتاب کارنر سے کوئی ایک کتاب لےجائیں۔

book reviewہر کتاب کے آخر میں ہم  نے بچوں کی عمر کے حساب سے  

 کا ایک صفحہ چسپاں کر دیا ہے جو کتاب پڑھنے کے اختتام پہ ہر بچہ پُر کرکے لائیگا۔ انگریزی کیلئے تہ گوگل آپکو بہت سارے نمونے ڈھونڈ کر دے دیتا ہے البتہ اردو کتابوں کے تجزیہ کیلئے میں نے خود یہ کوشش کی۔

مہمان بچوں کی کتابوں کے ساتھ بھی یہ صفحات لگا دئیے گئےہیں جنھیں میرے بچے پُر کرتے ہیں۔

یقین جانئے اس چھوٹی سی کاوش نے بڑا گہرا اثر ڈالا ہے۔ ہمارے گھر آتے ہوئے بچے نہایت شوق اور اہتمام کے ساتھ اپنے ہمرا ہ کتاب لاتے ہیں اور کتاب کے تجزیہ کا صفحہ بھی بخوشی پُر کرتے ہیں۔

ساتھ ہی کتابوں کا ریکارڈ رمحفوظ رکھنے کیلئے ایک ڈائری بنائی گئی ہے جسکا منتظم میرا بڑا بیٹاہے ، یوں ایک چھوٹی سی کوشش بہت سارے پہلووں کا احاطہ 
 کئے ہوئے ہے۔